ငရုတ်သီးယောဂီ
ငါမပါရင် ဒီအိမ်တွင်းလုပ်ငန်းက ထမင်းမမြိန်ဘူး
ငါက စိုက်ပျိုးသူလည်းမဟုတ် ရိတ်သိမ်းသူလည်းမဟုတ်
ငါက သဘာဝအရလည်းကြွေတဲ့အညှာကို ချွေတဲ့သူ
ငါဟာ မျက်နှာဖုံးစွပ် ငါ့ကိုငါအကြမ်းဖက်သမား
ငါ့မျက်နှာဖုံးအောက်ကချွေးတွေက ပြောတယ်
ဘဝဟာ ပူစပ်ပူလောင် ရှောင်မပြေးနိုင်တဲ့အရာ
နောက်ကိစ္စတွေကို နောက်လူတွေ လုပ်လိမ့်မယ်
အရေးကြီးတာ ငါအညှာချွေဖို့ ငါအရေးကြီးတာ။
ပန်းဖိုပန်းမအလှပြင်သူ
ငါမဆောင်ဖူးတဲ့ မင်္ဂလာတွေအတွက်လည်း
ငါ ပန်းပြင်ပေးဖူးတယ်
ငါမကိုးကွယ်တဲ့ဘုရားတွေအတွက်လည်း
ငါ ပန်းပြင်ပေးခဲ့တယ်
ငါ မသေဖူးတဲ့အသုဘတွေအတွက်လည်း
ငါ ပန်းပြင်ပေးခဲ့တာပဲ
ပန်းကိုစိုက်ပြီး ငါ့ကိုငါပျိုး
ပန်းကိုသိမ်းပြီး ငါ့ကိုငါရိတ်ခဲ့ရ
ရွံ့အတုမှာပေါက်သူတွေ
ပန်းနဲ့ငါဟာ လိင်တူချင်းပဲ
သူ့ပေါ်ပြုတ်ကျတဲ့ ငါ့ချွေးကို
ပန်းအတုက ဗွေမယူခဲ့ဘူး။
ဓါတ်မလိုက်ပန်းပုဆရာ
ဆံပင်ရှည်ရှည်ဘုရားတွေဟာ ရောင်းပန်းလှတယ်
ငါကိုယ်တိုင်လည်း ဆံပင်ရှည်ရှည်
ဂျီးညှော်တက်လက်သည်းပန်းကုံးပြုတ်နဲ့
ဘုရားလက်က နဲနဲကြီးနေရင်ဖဲ့ထုတ်ပြီး
ဝစ်လစ်စလစ်ရုပ်ထုတခုမှာ တပ်ပေးလိုက်တယ်
လိင်ရုပ်ထုတွေမှာ ပိုသွားတဲ့အစိတ်အပိုင်းရယ်လို့မရှိဘူး
အုတ်တချပ်ပေါ် သဲပွင့်များစွာပါတဲ့ နေ့လည်စာ
အညစ်အကြေးဟာ စွန့်စရာနေရာကိုမျှော်တယ်
ထုရိုက်လို့ ပူလာလို့ လောင်းရတဲ့ရေတွေကိုတော့
ဘယ်နတ်ဘုရားသောက်သောက်သွားမှန်း မသိဘူး။
မြစ်ဘာသာဝင်
မြစ်ကို အကြည့်နဲ့ပူဇော်တုန်း
ငါ့ပခုံးကို ပုတ်သွားသူ တယောက်ယောက်မက
သူတို့ ရေငတ်ပြီးသေကြလိမ့်မယ်လို့ ငါတွေးလိုက်တယ်
မြစ်ဟာ ငါ့နဖူးပေါ် ဆားပွင့်များကောင်းချီးပေးတယ်
အောင်ပြီ အောင်ပြီလို့ ထထအော်ရတာ မျောတယ်
ငါဘယ်လိုအော်အော် အဖွားကြီးအသံအဖြစ် အိုတယ်
ကြွေရမှာကြောက်ရုံနဲ့တော့ သေးမပေါက်ဘဲမနေနိုင်ဘူး
မြစ်ပင်။
ရှိန်ဝါ
၂၀၁၆ ကဆုန်လပြည့်နေ့
No comments:
Post a Comment