မိဘ နှင့် ဆရာ (၁) (Parents and Teachers by Jiddu Krishanamurti)

မှန်ကန်တဲ့ ပညာရေးဆိုတာ ကိုယ့်ကိုယ်ကို နားလည်တဲ့၊ အတွေးအခေါ်ပုံစံခွက်တွေနဲ့ ကင်းလွတ်နေတဲ့ ဆရာနဲ့သာ အစပြုရပါမယ်။ ဘာဖြစ်လို့လဲ ဆိုတော့ ဆရာဆိုတာ သူသိတာကိုပဲ သူလက်ဆင့်ကမ်းမှာပါ။ သူကိုယ်တိုင်က မှန်ကန်စွာ ပညာတတ်မြောက်ထားတာ မဟုတ်ရင်  သူကိုယ်တိုင် သင်ကြားခံခဲ့ရတဲ့ ယန္တရားဆန်ဆန် အသိပညာတွေကို ဖြန့်ဝေပေးရုံက လွဲလို့ ဘာများလုပ်နိုင်ဦးမှာ မို့လို့လဲ။ ပြဿနာက ကလေးတွေ မဟုတ်ပါဘူး။ မိဘတွေနဲ့ ဆရာတွေပါ။ ပြဿနာက ပညာသင်ကြားသူ ဖြစ်တဲ့ ဆရာကို ပညာပြန်လည် သင်ကြားပေးဖို့ပါ။

          ငါတို့တွေဟာ ကိုယ့်ကိုယ်ကို နားလည်တဲ့ ဆရာတွေ မဟုတ်ဘူး ဆိုရင် ကလေးတွေကို သတင်းအချက်အလက်တွေ ပေးရုံလောက် ၊စာမေးပွဲတွေ အောင်အောင် လုပ်ပေးရုံလောက်သာ လုပ်နိုင်ပြီး ကလေးတွေနဲ့ ငါတို့ရဲ့ ဆက်ဆံရေးကို နားလည်မထားဘူးဆိုရင် အသစ်သော ပညာရေးအမျိုးအစားကို ဘယ်လိုလုပ် ဆောင်ကျဉ်း ပေးနိုင်တော့ မှာလဲ။ တပည့်တွေဆိုတာ လမ်းပြပေးရပါတယ်။ ကူညီပေးရပါတယ်။ ဒါပေမယ့် လမ်းညွှန်ကူညီသူ ကိုယ်တိုင်က အမျိုးသားရေးတွေ သီအိုရီတွေနဲ့ ရှုပ်ထွေးနေရင် ကျဉ်းမြောင်းနေရင် တပည့်တွေဟာလည်း ဆရာအတိုင်းပဲ ဖြစ်လာတော့မှာပါ။ ပညာရေးဆိုတာလည်း ရှုပ်ထွေးမှုတွေနဲ့ ခက်ခဲပင်ပန်းမှုတွေ နောက်ထပ်ဖြစ်လာစေဖို့ ရင်းမြစ်တစ်ခုပဲ ဖြစ်လာတော့မှာပါ။

          ငါတို့ဟာ ဒီအမှန်တရားကိုသာ သိမြင်ရင် ငါတို့ကိုယ်တိုင် ကိုယ့်ကိုယ်ကို ပြန်လည် ပညာသင်ကြားခြင်း စတင်ဖို့ဟာ ဘယ်လောက် အရေးကြီးကြောင်း သဘောပေါက်လာမှာပါ။ ကလေး တစ်ယောက်ရဲ့ လုံခြုံရေးအတွက်၊ အနာဂတ်ကောင်းစားရေး အတွက် ပူပန်နေတာထက် ကိုယ့်ကိုယ်ကို ပြန်လည် သင်ကြားဖို့ ကြောင့်ကြနေဖို့ဆိုတာ အဆပေါင်းများစွာ ပိုမို လိုအပ်ပါတယ်။

          ဆရာတစ်ယောက်ကို ပြန်လည် ပညာပေးဖို့၊ တနည်းအားဖြင့် သူ့ကိုသူ နားလည်လာအောင် လုပ်ပေးဖို့ဆိုတာ ဆောင်ရွက်ဖို့တော့ အခက်ခဲဆုံး အလုပ်တစ်ခုပါပဲ။ ဘာကြောင့်လဲ ဆိုတော့ ငါတို့ အများစုဟာ အတွေးအခေါ်စနစ်တစ်ခု၊ လုပ်ဆောင်မှု ပုံစံခွက်တစ်ခုနဲ့ အသားကျ ခိုင်မာနေလို့ပါပဲ။ ငါတို့ဟာ အတွေးအခေါ်အချို့ကို လက်ခံပြီးပါပြီ။ ဘာသာရေးတစ်ခုကို လက်ခံပြီးပါပြီ။ လုပ်ဆောင်မှုတစ်ခုနဲ့ အသားကျပြီးပါပြီ။ ဒါကြောင့်လည်း ငါတို့ဟာ ကလေးတွေကို ဘာကိုပဲ စဉ်းစားရမယ်။ ဘယ်လိုတော့ဖြင့် မတွေးတောရဘူးလို့ သင်ကြားကြတာပါ။

          ဒါ့အပြင် မိဘတွေ၊ ဆရာတွေဟာ သူတို့ရဲ့ ကိုယ်ပိုင် ပဋိပက္ခတွေ သောကတွေနဲ့ ဘယ်လိုမှ မအားလပ်ကြတော့ ပါဘူး။ ဆင်းရဲရဲ ချမ်းသာသာ မိဘအများစုဟာ သူတို့ရဲ့ ပုဂိုလ်ရေး သောကတွေ ပြဿနာတွေ ထဲမှာ နစ်မြုပ်နေတတ် ကြပါတယ်။ သူတို့ဟာ လက်ရှိ လုမှုရေး နဲ့ အကျင့်သိက္ခာ ပျက်စီးခြင်းတွေကို တကယ် ခြေခြေမြစ်မြစ် မပူပန်ကြတော့ပါဘူး။ သူတို့ရဲ့ကလေးတွေ ကမ္ဘာကြီးထဲမှာ ရှင်သန်ရပ်တည်နိုင်ဖို့ အတွက်သာ ပစ္စည်းကိရိယာတွေ တပ်ဆင်ပေးဖို့ပဲ ဆန္ဒရှိကြပါတော့တယ်။ သူတို့ ကလေးတွေရဲ့ အနာဂတ်အတွက် စိုးရိမ်ကြပါတယ်။ သူတို့ကို စိတ်ချရတဲ့ ရာထူးတွေ ရဖို့၊ အိမ်ထောင်ရက်သား ကောင်းကောင်းကျဖို့ အတွက်ပဲ ပညာသင်ကြားပေးချင်ကြတာပါ။

          အများယုံကြည် ထားတာနဲ့ ဆန့်ကျင်ပြီး ပြောရမယ် ဆိုရင်တော့ မိဘ အများစုဟာ သူတို့ကလေးတွေကို  ဘယ်လောက်ပဲ ချစ်တယ် ပြောပြော တကယ် မချစ်ပါဘူး။ သူတို့ တကယ်သာ ချစ်ရင် လူအချင်းချင်း ကြားမှာ စစ်ပွဲတွေ၊ အငတ်ဘေးတွေ ကို ဖြစ်စေတဲ့ တစ်ခုလုံးလို့ ထင်ရတဲ့ မိသားစု နှင့် နိုင်ငံအပေါ်မှာသာ အလေးအနက်ထားအောင် မသင်ကြားပါဘူး။ တကယ် ဆန်းတာလည်း ရှိပါတယ်။ လူတွေဟာ ဒေါက်တာတွေ ဆရာဝန်တွေ ဖြစ်ဖို့ အားကြိုးမာန်တက် လေ့ကျင့်ပေးခံလိုက် ရပါတယ်။ ဒါပေမယ့် မိဘဖြစ်ဖို့ ဆိုတဲ့ အရေးကြီးဆုံး ကိစ္စကိုတော့ ဘယ်လေ့ကျင့်ရေး ကမှ သင်ကြားမပေးလိုက်ပါဘူး။ ဘာ လေ့ကျင့်မှုမှ မရှိဘဲ မိဘတွေ ဖြစ်လာကြပါတယ်။

          အချိန်တော်တော်များများမှာ မိသားစု ဆိုတာမှာ သီးခြားတည်ရှိနေတဲ့ တိမ်းညွှတ်မှုတွေ ရှိပါတယ်။ တသီးတခြား ဆန်မှုကို တွန်းအားပေးပါတယ်။ အဲဒီ အချက်ကပဲ လူ့အဖွဲ့အစည်းကြီးကို ဖျက်ဆီးနေတဲ့ အချက်ပါပဲ။ အဲဒီ တစ်သီးပုဂလဆန်မှု ဆိုတဲ့ နံရံတွေ ပြိုချနိုင်တဲ့ ချစ်ခြင်းမေတ္တာ နဲ့ နားလည်မှုတွေသာ ရှိတဲ့အခါမှသာ မိသားစု ဆိုတာလည်း အပိတ်အဝန်းအဝိုင်း တစ်ခု မဖြစ်တော့မှာပါ။ ထောင်တစ်ခု၊ ဒုက္ခသည်စခန်း တစ်ခု မဖြစ်တော့မှာပါ။ မိဘတွေ ကိုယ်တိုင်ကလည်း သူတို့ကလေးတွေနဲ့ သာမက၊ သူတို့ရဲ့အိမ်နီးချင်းတွေ နဲ့ပါ တကယ် ပေါင်းစည်းညီညွတ်မှု ရလာမှာပါ။

          သူတို့ ကိုယ်တိုင်က သူတို့ရဲ့ ပြဿနာတွေထဲ နစ်မြုပ်နေတဲ့အတွက် သူတို့ ကလေးတွေ ကောင်းစားဖို့ အတွက် တာဝန်ဝတ္တရားကို ဆရာဆီကို လွှဲအပ်လိုက် တော့တာပါပဲ။ အဲဒါကြောင့်မို့ ပညာပေးသူ အနေနဲ့ မိဘတွေကိုလည်း ပညာပေးဖို့ဆိုတာ အရေးကြီးတာပါ။

          ဆရာဟာ သူတို့ကို ရှင်းပြရပါမယ်။ ကမ္ဘာကြီးရဲ့ ရှုပ်ထွေးတဲ့ အခြေအနေဟာ သူတို့ရဲ့ ကိုယ်ပိုင် ရှုပ်ထွေးမှု တွေမှာ လာရောက် ထင်ဟပ်နေတယ် ဆိုတာကို။ တည်ရှိနေတဲ့ တန်ဖိုးစံနှုန်းတွေ အပေါ် ထိရောက်တဲ့ ပြောင်းလဲမှုကို ဘယ် သိပ္ပံတိုးတက်မှုကမှ သူ့ချည်းပဲ ဆောင်ကျဉ်းပေးမလာနိုင်ဘူး ဆိုတာကိုလည်း ညွှန်ပြပေးရပါမယ်။ အဲဒီလို နည်းပညာ လေ့ကျင့်ရေးဖြစ်တဲ့ ကျွန်တော်တို့အခု ပညာရေးလို့ ခေါ်နေတဲ့ အရာကြီးက ဘယ်သူ့ကိုမှ လွတ်လပ်လာအောင်၊ ပိုပြီး ပျော်ရွှင်လာအောင် မလုပ်ပေးနိုင်ဘူး ဆိုတာကိုလည်း ညွှန်ပြရပါမယ်။ လက်ရှိ ပတ်ဝန်းကျင်ကြီးကို ကလေးတွေကို အတင်းလက်ခံခိုင်းတာဟာ ဥာဏ်ပညာ ဆီကိုတော့ ဆိုက်ရောက်စေမှာ မဟုတ်ပါဘူး။ ဒါကြောင့် သူဟာ ကလေးတွေအတွက် ကြိုးစားနေပါတယ်။ ဘယ်လို တည်ဆောက်နေပါတယ် ဆိုတာကို နားလည်အောင် ပြောပြထားရမှာပါ။ မိဘတွေက သူ့ကို ယုံကြည်လာအောင်လည်း အထက်စီးကနေ ရိုးရိုးသာမန်လူတွေကို ကျွမ်းကျင်ပညာရှင် တစ်ယောက်က ပြောနေတဲ့ ပုံစံမျိုး မပေါက်အောင် ပြောရမှာပါ။ ကလေးတွေရဲ့ စရိုက်လက္ခဏာတွေ ၊ အခက်အခဲတွေ ဗီဇတွေ နဲ့ ပတ်သတ်လို့လည်း ဒီနည်း အတိုင်းပဲ သူတို့နဲ့ ဆွေးနွေးရပါမယ်။

          ဆရာတစ်ယောက်ဟာ ကလေး တစ်ယောက်ချင်းစီကို တကယ်စိတ်ဝင်စားမှု ရှိရင် မိဘတွေကလည်း သူ့အပေါ်ကို တကယ် ယုံကြည်ကြပါတယ်။ ဒီဖြစ်စဉ်မှာ ဆရာဟာ မိဘတွေကိုလည်း ပညာပေးသလို သူ့ကိုသူလည်း ပညာပြန်ပေးရပါမယ်။ အပြန်အလှန်အားဖြင့် မိဘတွေဆီကလည်း ပြန်လည် သင်ယူရပါမယ်။ မှန်ကန်တဲ့ ပညာရေးဆိုတာ စိတ်ရှည်မှု၊ စဉ်းစားဆင်ခြင်မှု၊ ချစ်ခြင်းမေတ္တာတွေနဲ့ နှစ်ဦးနှစ်ဖက် လုပ်ဆောင် ရမယ့် အရာပါ။ တကယ် အမျှော်အမြင်ရှိတဲ့ လူ့ပတ်ဝန်းကျင်က တကယ် ဥာဏ်ရည်မြင့်တဲ့ ဆရာဟာ ကလေးတွေကို ဘယ်လို ပျိုးထောင်ရမလဲ ဆိုတဲ့ ပြဿနာကို ကောင်းကောင်း ဖြေရှင်းနိုင်ပါတယ်။ အဲဒီလို လက်တွေ့ အများအပြား လုပ်ဆောင်ရမယ့် ကိစ္စတွေဟာ တကယ် စိတ်ပါဝင်စားတဲ့ ဆရာတွေ နဲ့ အမြော်အမြင်ရှိတဲ့ မိဘတွေရဲ့ သေးငယ်တဲ့ ပမာဏကနေပဲ စသင့်ပါတယ်။

          မိဘတွေဟာ ဘာလို့ ကလေးယူတာလဲလို့ သူတို့ကို သူတို့ ပြန်မေးဖူးလား။ ကလေးတွေကို သူတို့ နာမည်တွေကို လက်ဆင့်ကမ်းဖို့ပဲလား။ သူတို့ရဲ့ စည်းစိမ်ဥစ္စာတွေကို ဆက်လက် ထိန်းသိမ်းဖို့လား။ ကလေးတွေကို သူတို့ ပျော်ရွှင်ဖို့ အတွက်ပဲ အကျိုးမျှော်ပြီး မွေးထားတာလား။ သူတို့ရဲ့ စိတ်ပိုင်းဆိုင်ရာ လိုအပ်ချက်တွေမှာ စိတ်ကျေနပ်မှုရဖို့ အတွက်လောက်ပဲ ကလေးလိုချင်ကြတာလား။ ဒီလိုသာဆိုရင် ကလေးတွေဆိုတာ မိဘတွေရဲ့ ဆန္ဒတွေ ၊အကြောက်တရားတွေ ကို ဖော်ပြတဲ့ ပြယုဂ်တွေလောက်ပဲ ဖြစ်နေတော့မှာပေါ့။

          ကိုယ်ရဲ့ကလေးတွေကို မှားယွင်းတဲ့ နည်းလမ်းနဲ့ပဲ ပညာသင်ပေး၊ ပြီး မနာလိုဝန်တိုစိတ်တွေ၊ လောဘတွေ ရည်မှန်းချက်တွေကိုပဲ သွတ်သွင်းပြီးမှ ဒါကလေးကို ချစ်လို့လုပ်တာ ဆိုပြီး အကြောက်အကန် ပြောဦးမလို့လား။ ချစ်ခြင်းမေတ္တာဆိုတာ စစ်ပွဲတွေ၊ ပျက်စီးမှုတွေ၊ ကြီးစွာသော သေကတွေကို ဖြစ်စေတဲ့ အမျိုးသားရေး၊ လူမှုရေး အမုန်းတရားတွေကိုပဲ နှိုးဆွပေးတဲ့ အရာဟုတ်လို့လား။ ဘာသာရေးတွေ အတွေးအခေါ်တွေ စသဖြင့် နာမည်ခံပြီး တစ်ယောက်ကို တစ်ယောက် တိုက်ခိုက်နေကြတာတွေဟာ ချစ်ခြင်းမေတ္တာ ဟုတ်လို့လား။

          မိဘအများစုဟာ သူတို့ကလေးတွေကို အခုလို သောကတွေ၊ ပဋိပက္ခတွေကိုပဲ ဖြစ်စေတဲ့ နည်းလမ်းတွေကို မှားယွင်းတဲ့ ပညာရေးနဲ့ သင်ကြားပေးရုံ သာမက သူတို့ကိုယ်တိုင်လည်း သူတို့ဖြတ်သန်းခဲ့တဲ့ ပုံစံအတိုင်း ရှေ့ဆောင်လမ်းပြ လုပ်ကြပါတယ်။ အဲဒီကလေးတွေ အရွယ်ရောက်ပြီး ဒုက္ခတွေကို ခံစားရရင်တော့ ကလေးအတွက် သူတို့ ဆုတောင်းပေးကြတယ်။ ဒါမှမဟုတ် အဲဒီလို ခံစားရတာ ဒါကြောင့်ဆိုပြီး ဆင်ခြေတွေ ပေးတော့တာပါပဲ။ မိဘတွေရဲ့ ကလေးတွေအတွက် ဒုက္ခဆိုတာကလည်း ချစ်ခြင်းမေတ္တာရှိမနေတဲ့ နေရာမှာသာ တည်နိုင်တဲ့ ကိုယ့်ကိုယ်ကို သနားခြင်း ပုံစံ တစ်မျိုးပါပဲ။

          မိဘတွေဟာ သူတို့ကလေးတွေကို ချစ်ရင် သူတို့ကိုယ်တိုင်လည်း အမျိုးသားရေးဝါဒီ တွေ ဖြစ်မလာ တော့ပါဘူး။ သူတို့ကို သူတို့လည်း နိုင်ငံတစ်ခုနဲ့ ဘောင်ခတ်မထားတော့ ပါဘူး။ နိုင်ငံတော်ကိုပဲ ကိုးကွယ်နေခြင်းဟာ စစ်ပွဲတွေကို ဖြစ်စေပါတယ်။ ကိုယ့်ရဲ့သားတွေကို သေစေပါတယ်။ မိဘတွေဟာ ကလေးတွေကို ချစ်ရင် ပစ္စည်းဥစ္စာ အပေါ် ထားတဲ့ သဘောထားအမှန်ကိုလည်း နားလည်လာပါလိမ့်မယ်။ ဥစ္စာပစ္စည်း ပိုင်ဆိုင်လိုစိတ်ဟာ ကမ္ဘာကြီးကို ဖျက်ဆီးနေတဲ့ ကြီးစွာသော အနှစ်သာရ အမှားကြီး ကို ဖြစ်စေပါတယ်။ မိဘတွေဟာ ကလေးတွေကို ချစ်ရင် သူတို့ဟာ ဘာသာရေးစုဖွဲ့မှု ထဲမှာလည်း ပါမှာ မဟုတ်တော့ပါဘူး။ တရားသေ ဝါဒတွေနဲ့ ယုံကြည်ချက်တွေဆိုတာ လူအချင်းချင်း ပဋိပက္ခဖြစ်စေအောင် ပိုင်းခြားပစ်ပါတယ်။ လူအချင်းချင်းကြား အမုန်းတရားတွေကို တိုးပွားစေပါတယ်။ မိဘတွေဟာ ကလေးတွေကို ချစ်ရင် မနာလိုစိတ်တွေ၊ အတိုက်အခိုက်တွေကို ဝေးဝေးဖယ်ထုတ် လာနိုင်ပါတယ်။ ဒါမှသာ ယနေ့လက်ရှိ လူ့အဖွဲ့အစည်းအကြီးရဲ့ တည်ဆောက်ပုံကြီးကို အခြေခံကျကျ ပြောင်းလဲလာ နိုင်မှာပါ။

          ငါတို့ဟာ ငါတို့ရဲ့ ကလေးတွေကို အာဏာကြီးစေချင်နေ သမျှ ကာလပတ်လုံး၊ ရာထူးကြီးသထက် ကြီးတာတွေ ပိုင်ဆိုင်နေစေချင် သမျှကာလပတ်လုံး၊ ပိုပိုပြီး အောင်မြင်နေစေချင်သမျှ ကာလပတ်လုံး ငါတို့ရဲ့ နှလုံးသားထဲမှာ ချစ်ခြင်းမေတ္တာ ဆိုတာ မရှိတော့ပါဘူး။ စစ်ပွဲတွေ သောကတွေကိုသာ တွန်းအားပေးတဲ့ အောင်မြင်မှုကို ကိုးကွယ်နေခြင်းသာ ရှိပါတော့တယ်။ ကိုယ်ရဲ့ ကလေးတွေကို တကယ်ချစ်ရင် သူတို့နဲ့ အမြဲပူးပေါင်း နေရမှာ ဖြစ်ပါတယ်။ ဒါမှသာ သူတို့ကို သတိရှိစေတဲ့ ၊ဥာဏ်ရှိစေတဲ့၊ ပေါင်းစည်းစေနိုင်တဲ့ မှန်ကန်တဲ့ ပညာရေး ရ၊ မရ သိနိုင်မှာပါ။

          ဆရာတစ်ယောက်က ကိုယ့်ကိုယ်ကို မေးရမယ့် ပထမဆုံး မေးခွန်းကတော့ သူသင်ကြားမယ့် အရာကို ဆုံးဖြတ်တဲ့ အခါမှာ စာသင်ကြားခြင်းဆိုတာ အတိအကျ ဘာကိုဆိုလိုတာလဲ ဆိုတာကို မေးရမှာပါ။ သူဟာ သမားရိုးကျ ဘာသာရပ်တွေကို သင်နေကျ ပုံစံအတိုင်းပဲ သင်တော့မှာလား။ ကလေးတစ်ယောက်ကို လူမှုရေးစက်တစ်လုံး ဖြစ်အောင်ပဲ ပုံသွင်းချင်တာလား။ တန်ဖိုးစံနှုန်းအမှားတွေ အတွက် ခြိမ်းခြောက်မှု တစ်ခုဖြစ်တဲ့ တကယ် ပေါင်းစည်း၊ တီထွင်ဖန်တီးနိုင်စွမ်းရှိတဲ့ လူသားတွေ ဖြစ်လာအောင် ကူညီမှာလား။ ပညာသင်ပေးသူ တစ်ယောက်ဟာ ကျောင်းသားတစ်ယောက်ကို သူ့ပတ်ဝန်းကျင်မှာ သူကိုယ်တိုင်လည်း ကျင်လည်နေရတဲ့၊ သူ့ကို ဝန်းရံထားတဲ့ တန်ဖိုးစံနှုန်းတွေ၊ လွှမ်းမိုးမှုတွေကို စစ်ကြောတတ်လာအောင်၊ တကယ်သဘောပေါက်လာအောင် ကူညီမယ်ဆိုရင်တော့ ဆရာကိုယ်တိုင်ကလည်း သတိရှိနေဖို့ မရှိမဖြစ် မလိုအပ်ဘူးလား။ ကိုယ်ကိုယ်တိုင်ကိုက ကန်းနေပြီဆိုရင်တော့ တဖက်ကမ်းကို ဖြတ်ကူးနိုင်အောင် တခြားသူတွေကို ဘယ်လို ကူညီနိုင်တော့မှာလဲ။

          သေချာတာကတော့ ဆရာကိုယ်တိုင်က စတင် နားလည်သဘောပေါက်နေရမှာပဲ ဖြစ်ပါတယ်။ သူဟာ အမြဲတမ်း နိုးကြားနေရပါမယ်။ သူရဲ့ ကိုယ်ပိုင်အတွေးအခေါ်တွေ ခံစားချက်တွေ နဲ့ ပတ်သတ်လို့လည်း အမြဲ စူးစူးစိုက်စိုက် သတိရှိနေရပါမယ်။ သူ့ကို ပုံသွင်းထားတဲ့ နည်းလမ်းတွေကိုလည်း သိနေရပါမယ်။ သူရဲ့ လှုပ်ရှားမှုတွေ တုံ့ပြန်မှုတွေကိုလည်း သတိထားနေရပါမယ်။ အဲဒီလို သတိကပ်မှုကသာ ဥာဏ်ပညာကို ဖြစ်စေတာပါ။ အဲဒီဥာဏ်ပညာနဲ့  အတူ ပတ်ဝန်းကျင်အပေါ် သူရဲ့ ဆက်ဆံပုံကလည်း သိသာထင်ရှားစွာ ပြောင်းလဲသွားတော့ မှာပါ။

          ဥာဏ်ပညာဆိုတာ စာမေးပွဲအောင်ရုံလောက်ကိုပဲ ဆိုလိုတာ မဟုတ်ပါဘူး။ ဥာဏ်ပညာဆိုတာ လူတစ်ယောက်ကို အင်အားပြည့်ဝပြီး လွတ်လပ်စေဖို့အတွက် ပြုလုပ်ပေးတဲ့ အလိုအလျောက် သိမြင်စိတ်ပါပဲ။ ကလေးတစ်ယောက်ရဲ့ ဥာဏ်ပညာကို နိုးထလာအောင် လုပ်ပေးဖို့ ဆိုရင် ငါတို့ကိုယ်တိုင်ကလည်း ဥာဏ်ပညာဆိုတာ ဘာလို့ သဘောပေါက်နေရမှာပါ။ ဘာဖြစ်လို့လဲဆိုတော့ ငါတို့ကိုယ်တိုင်က ပုံစံမျိုးစုံနဲ့ ဥာဏ်ပညာ ကင်းမဲ့နေကြရင်  ကလေးတစ်ယောက်ကို ဘယ်လိုလုပ် ဥာဏ်ပညာရှိလာအောင် လုပ်ပေးနိုင် တော့မှာလဲ။ ပြဿနာက ကလေးရဲ့ အခက်အခဲတွေ မဟုတ်ပါဘူး။ ငါတို့ရဲ့ အခက်အခဲတွေပါ။ ငါတို့မှာ အကြောက်တရားတွေရှိတယ်။ သောကတွေရှိတယ်။ မလွတ်လပ်တဲ့ ရှုပ်ထွေးမှုတွေ ရှိနေတယ်။ ကလေးတစ်ယောက်ကို ဥာဏ်ပညာရရှိအောင် ကူညီဖို့ဆိုရင် ငါတို့ကိုယ်တိုင်ကိုက ငါတို့ကို ပျင်းရိစေတဲ့ ၊ အတွေးအခေါ်ကင်းမဲ့စေတဲ့ အတားအဆီးတွေကို ချိုးဖျက်ထားဖို့ လိုပါလိမ့်မယ်။

          ငါတို့ကိုယ်တိုင်က ပုဂိုလ်ရေးလုံခြုံစိတ်ချရမှု နောက်ကိုပဲ လိုက်နေရင် ကလေးတွေကို အဲဒီလို မလိုက်ကြဖို့ ဘယ်လိုသင်မှာလဲ။ ငါတို့လို မိဘတွေ၊ ဆရာတွေ ဖြစ်တဲ့သူတွေကမှ ဘဝကို တန်ဖိုးမထားရင်၊ ငါတို့ရဲ့ တံတိုင်းတွေကို ငါတို့ကိုယ်တိုင် တည်ဆောက်ကာရံနေကြရင် ၊ ကလေးတွေအတွက် မျှော်လင့်ချက် ဆိုတာ ရှိပါဦးမလား။ ကမ္ဘာကြီးကို အခုလို ပရမ်းပတာတွေ ဖြစ်စေတဲ့ လုံခြုံမှုကိုပဲ ရှာဖွေချင်တဲ့စိတ်ကို ပါယ်သတ်ဖို့ ရှာဖွေချင်တယ် ဆိုရင်တော့ ငါတို့ရဲ့ စိတ်ပိုင်းဆိုင်ရာ ဖြစ်စဉ်တွေကို သတိကပ်ထားပြီး ဥာဏ်ပညာနိုးထလာအောင် စတင်ကြိုးစားရမှာပါ။ ငါတို့ကို ပိတ်ဆို့ထားတဲ့ တန်ဖိုးစံနှုန်းတွေကို စတင်ပြီး မေးခွန်းတွေ ထုတ်ရတော့မှာပါ။

          ငါတို့ ပြုစုပျိုးထောင်ခံလိုက်ရတဲ့ ပုံစံခွက်အတိုင်းပဲ ငါတို့ အသိဥာဏ်မဲ့စွာ ဆက်မျောနေလို့ မသင့်တော့ပါဘူး။ ကိုယ့်ကိုယ်ကိုတောင် နားမလည်ရင် တစ်ဦးချင်းစီပဲဖြစ်ဖြစ်၊ လူ့အဖွဲ့အစည်းကြီးမှာပဲ ဖြစ်ဖြစ် ဘယ်လိုလုပ် ပေါင်းစည်းညီညွှတ်မှု ရှိတော့မှာလဲ။ ပညာသင်ပေးမယ့်သူဟာ သူ့ကိုယ်သူတောင် နားမလည်ရင်၊ သူပုံသွင်းခံလိုက်ရတဲ့ ပုံစံတွေကို မသိမြင်ရင်၊ တည်ရှိနေတဲ့ တန်ဖိုးစံနှုန်းတွေက မလွတ်မြောက်ရင် ကလေးတွေကို ဘယ်လိုလုပ် ပညာပေးနိုင်တော့မှာလဲ။ ကလေးတွေကို ပညာမပေးနိုင်ရင် သူ့အလုပ်က ဘာဖြစ်ရောလဲ။

          ငါတို့ကိုယ်တိုင်က ကိုယ့်အတွေး ကိုယ့်ခံစားချက်တွေကို နားလည်မှ ကလေးတစ်ယောက်ကို တကယ်လွတ်မြောက်တဲ့ လူသားတစ်ယောက် ဖြစ်လာအောင် ကူညီလို့ ရမှာပါ။ တကယ်နားလည်တဲ့ ဆရာမှသာ သူ့ကိုယ်သူရော ကလေးတွေနဲ့ ပတ်သတ်လို့ပါ အမြဲ သတိရှိတာပါ။

          ကိုယ့်အတွေး ကိုယ့်ခံစားချက်တွေကို ကိုယ်ကိုယ်တိုင် နားလည်တဲ့သူကတော့ မရှိသလောက်ပါပဲ။ အဲဒီအတွေးတွေ ခံစားချက်တွေဟာ အရုပ်ဆိုးတာ သိသာလွန်းနေတဲ့ အတွက် ငါတို့ဟာ သူတို့ရဲ့ အတွင်းသဘောကို နားမလည်ချင်ကြတော့ပါဘူး။ ဘေးဖယ်ထားဖို့  လောက်ပဲ လုပ်ကြပါတော့တယ်။ ငါတို့ဟာ ကိုယ့်ကိုယ်ကို သတိမထားရင် ငါတို့ရဲ့ခံစားချက်တွေ အတွေးတွေ ဆိုတာလည်း ပုံစံသေကြီးတွေပဲ ဖြစ်နေဦးမှာပါ။ ငါတို့ဟာ ဘာသာရပ်လေး နည်းနည်းလောက် သင်၊ အချက်အလက်လေးတွေ နည်းနည်းလောက် မှတ်၊ ပြီးတာနဲ့ ဒါလေးကိုပဲ ကလေးတွေကို လက်ဆင့်ကမ်းနေကြတာပါ။

          ဒါပေမယ့် တကယ်သာစိတ်ဝင်စားရင် ငါတို့ဟာ ကမ္ဘာတဝှမ်းလုံးမှာ ရှိနေတဲ့ ပညာရေးမျိုးစုံက သင်ကြားပေးလိုက်တဲ့ လက်တွေ့စမ်းသပ်ချက်တွေကို ရှာဖွေရုံလောက်တင် မကတော့ဘဲ အောက်ပါ မေးခွန်းကို ဖြေရှင်းဖို့ ငါတို့ရဲ့ ချဉ်းကပ်လေ့လာမှုတွေကို ရှင်းရှင်းလင်းလင်း ဖြစ်ချင်စိတ် ရှိလာတော့မှာပါ။ ငါတို့ဟာ ကလေးတွေကို ဘာကြောင့် ပညာသင်ပေးကြတယ်။ ငါတို့ကိုယ်တိုင်လည်း ဘာရည်ရွယ်ချက်နဲ့ ပညာသင်ယူကြတယ်ဆိုတာကို ပြန်မေးရပါမယ်။ တစ်ဦးချင်းကနေ စလို့ လူ့အဖွဲ့အစည်းကြီး တစ်ခုလုံးမှာပါ ဖြစ်တည်မှုရဲ့ အဓိပါယ်ကို စူးစမ်းရပါမယ်။ သေချာတာကတော့ ပညာသင်ကြားသူတွေဟာ အဲဒီ ပြဿနာတွေကိုလည်း သတိထားရမှာဖြစ်သလို ကလေးတွေကို အဲဒီပြဿနာတွေနဲ့ ပတ်သတ်တဲ့ အမှန်တရားကို ရှာဖွေဖို့ ကူညီရမှာပါ။ ကိုယ်ရဲ့ သာမင်ညောင်ည အတွေးအခေါ်တွေ အလေ့အကျင့်တွေကို ကလေးတွေဆီမှာ ပုံတူပွားရုံလောက်နဲ့တော့ မရပါဘူး။

          နိုင်ငံရေးပဲဖြစ်ဖြစ် ပညာရေးပဲဖြစ်ဖြစ် စနစ်တစ်ခုနောက်ကို လိုက်နေရုံနဲ့တော့ ငါတို့ရဲ့ များစွာသော လူမှု ပြဿနာတွေကို ဖြေရှင်းနိုင်မှာ မဟုတ်ပါဘူး။ ပြဿနာကို ချဉ်းကပ်တဲ့ နည်းလမ်းကို နားလည်ဖို့ဟာ ပြဿနာကို နားလည်ဖို့ထက် အများကြီး ပိုပြီး အရေးကြီးပါတယ်။

          ကလေးတွေဟာ မိဘတွေ၊ ပတ်ဝန်းကျင်တွေနဲ့ ဘုရားသခင်ကို ကြောက်စိတ်မရှိတော့ဘူး ဆိုရင် ဆရာကိုယ်တိုင်က အကြောက်တရား မရှိတော့လို့သာ ဖြစ်ပါတယ်။ ဒါပေမယ့် အကြောက်တရားရဲ့ သားကောင် မဖြစ်တဲ့ ဆရာတွေကို ရှာရတာ အခက်အခဲ တစ်ခုပါပဲ။ အကြောက်တရားဆိုတာ အတွေးအခေါ်တွေကို ဘောင်ခတ်ပစ်ပါတယ်။ စွန့်ဦးတီထွင်ချင်စိတ်တွေကို ကန့်သတ်ပစ်ပါတယ်။ ကြောက်နေတဲ့ ဆရာ တစ်ယောက်ဟာ အကြောက်တရားကင်းတဲ့၊ နက်နဲတဲ့ အနှစ်သာရကို လက်ဆင့်ကမ်းနိုင်မှာ မဟုတ်ဘူး ဆိုတာကတော့ ရှင်းပါတယ်။ ကောင်းမှုလိုပဲ အကြောက်တရားကလည်း ကူးစက်လွယ်ပါတယ်။ သူကိုယ်တိုင်က အတွင်းစိတ်မှာ ကြိတ်ကြောက်နေတဲ့ ဆရာတစ်ယောက်ဟာ သူ့ကျောင်းသားတွေကို အဲဒီအကြောက်တရားကို လက်ဆင့်ကမ်းတော့မှာပါ။ ရောဂါကူးစက်မှုကတော့ မြင်ချင်မှ မြင်ရမှာပါ။

          ဆိုကြပါစို့။ ဥပမာအားဖြင့် ဆရာတစ်ယောက်ဟာ အများအမြင်ကို ကြောက်နေပြီ ဆိုရင်ပေါ့။ သူဟာ သူ့အကြောက်တရားရဲ့ မူမမှန်မှုကို မြင်ပါလိမ့်မယ်။ ဒါပေမယ့် ကျော်လွန်နိုင်မှာတော့ မဟုတ်ပါဘူး။ ဒါဆိုရင် သူဘာလုပ်မှာလဲ။ အနည်းဆုံးတော့ သူ့ကိုယ်သူ အသိပေးနိုင်ပါတယ်။ သူ့ရဲ့ ကြောက်စိတ်ကို ပွင့်ပွင့်လင်းလင်း ဖွင့်ဟ ဝန်ခံပြီး ကလေးတွေနဲ့ ဆွေးနွေးပြီး အကြောက်တရားဆိုတာကို ကလေးတွေ နားလည်လာအောင် ကူညီလို့ရပါတယ်။ ဖြူစင်ရိုးသားတဲ့ နည်းလမ်းဟာ ကျောင်းသားတွေကို သူတို့အချင်းချင်းရော၊ ဆရာနဲ့ပါ ပွင့်လင်းလာအောင် တွန်းအားပေးနိုင်ပါတယ်။

          ကလေးတစ်ယောက်ကို လွတ်လပ်မှု ပေးဖို့ဆိုရင် ပညာသင်ကြားသူ ကိုယ်တိုင်က အဲဒီရောဂါ လက္ခဏာတွေကို သိရပါမယ်။ လွတ်လပ်မှုရဲ့ ပြည့်ဝတဲ့ အနှစ်သာရကို သိရပါမယ်။ ဥပမာတွေ ထပ်တလဲလဲပြုမှုတွေဟာ ဘယ်လိုပုံစံနဲ့မှ လွတ်လပ်မှုကို ဆောင်ကျဉ်းမလာနိုင်ပါဘူး။ ကိုယ့်ကိုယ်ကို ရှာဖွေမှုနဲ့ သိမြင်မှုမှာသာ လွတ်လပ်မှုဟာ တည်ရှိတာပါ။