တညင်းကုန်းဘူတာသို့ အဂုင်္လိမာလတံဆိပ်ထွန်တုံးဝယ်ရန် ကျည်ဆန်ရထားဖြင့် သွားရောက်ခြင်း

(၁)

ဂျိုကာမျက်နှာဖုံးစွပ် အချင်း ကာလာမတို့

ကမ္ဘာလုံးထဲ ဆိုင်ကယ်ပတ်စီးပြတယ်

မယုံကြည်သူမျက်လုံးတွေဟာ ပြူးထွက်

ယင်ကောင်မည်းကြီးများအဖြစ် စတင်ပျံဝဲလေရာ

အလိုမတူ အလိုပါ ခရီး။

(၂)

ကြက်ခြင်းထဲ ဘဝမှားရောက်နေတဲ့ ငါးတွေ

မြစ်ထဲပစ်ချလွှတ်ပေးလည်း

ကြက်ခြင်းအပြင် မထွက်ရဲကြတော့

ရထားကြမ်းပြင်ပေါ် ပွစာကျဲနေတာက

မြောက်ကိုရီးယားရဲ့ မအောင်မြင်ခဲ့တဲ့ ဒုံးတွေ။

(၃)

စင်္ကြန်ပလက်ဖောင်းပေါ်လှဲနေတဲ့

သုမေဓါရှင်ရသေ့လောင်းလျာတွေ

ရထားပြတင်းပေါက်တွေရဲ့ဘေး

ပင့်ကူလူသားတွေလို တွယ်ကပ်လိုက်ပါလာကြ။

(၄)

ဟိုးအမြင့်မှာ ပျံသန်းနေတဲ့ ကြက်ဥမွှေကြော်ကြီး

လေအဝှေ့ ကြက်သွန်ဖက်အပုပ်လေးတွေ ပြုတ်အကျ

ကြယ်တွေကြွေပြီဟေ့ ဆိုပြီး လုကောက်ကြတယ်။

ရုံးဆင်းရုံးပြန် ခနောနိခနော်နဲ့ထမင်းချိုင့်လေးကိုကြည့်ပြီး

လိင်စိတ်အညွှန့်တက်ရသူ ကန်စွန်းနွယ်လေးပါ မမရယ်။

(၆)

ငါတို့ရဲ့ တိုးတက်ဖွံဖြိုးလာပုံဟာ

နတ်အုန်းသီးပေါ်မှာတောင် ဖယောင်းတိုင်ထွန်းနိုင်လာကြရဲ့

ငါတို့ ကန့်ကွက်ခဲ့တဲ့ ဂုံးကျော်တံတားရဲ့ ချိုင်းချွေးနံ့တွေကြား

ငါတို့ ဆန္ဒထပ်ပြနေကြရတဲ့ သမိုင်း။

(၇)

အတုလကာရီရဲ့ တစလယ်ဝင် Charles and Keith အိတ်

ထဲက စားမကုန်နံမကုန် တညင်းသီးတွေ။

(၈)

ရာသီစာဈေးသည်အဒေါ်ကြီးတွေကို

ရာသီလာနေတဲ့မျက်နှာတွေကို အားနာနေမိကြရ

အရေပြားတွေကျွတ်ကျတဲ့အထိ သူတို့ရီသွားကြ

အဖျက်ခံရတဲ့ ငြမ်းတဖြစ်လဲ ဝါးလုံးတွေသာ

မြေကြီးမှာ အစို့ပြန်ထွက် မြေဝတ်လဲနိုင်ကြတယ်။

(၉)

ကျွပ်ကျွပ်အိတ်တွေက ရထားကိုပြေးလိုက်ပြီး လက်ပြတယ်

ဟန်းဆက်တွေ ပစ်ချပေးရုံနဲ့ မလုံလောက်လို့

ငွေဖြည့်ကဒ်တွေပါ ကျဲချပေးခဲ့လိုက်တယ်

ဂန္ဒီဓါးသွေးကျောက်ပေါ်မှာ ကွမ်းတံထွေးတွေ

အီဖယ်မျှော်စင်ဓါတ်ပုံတွေနဲ့

ပြတင်းပေါက်တိုင်းကို ပိတ်ကာထားရတယ်။

(၈)

ကြောင်တွေဟာ ကြာကြာရေမငုပ်ပါဘူးလို့

အနာဂတ်တွေက ဗလုံးဗထွေးထအော်ကြတယ်

ဂိဇကုဋ်တောင်ပေါ်က ရဟတ်ယဉ်တွေတောင်

ဘာမသိညာမသိ လန့်ဖျန့်ပြီး ထပျံကြတယ်။

(၉)

ရထားဟာ ငါတို့မျိုးဆက်ဆီကနေ ငိုပြီးပြေးတယ်

အဇာတသတ်ဟာ သူ့အဖေဆီက အမွေရထားတဲ့ ဆိုက္ကားနဲ့

ဆိုက်ရောက်လိုရာနေရာဆိုတာ ရှိခဲ့ဖူးသလား

ရထားဟာ သူခရီး သူညစ်ပြီး ပါချသွားတယ်

အနာဂတ်ဆိုတာ သိဝိမင်းကို ရူးအောင်ကြိုသလိုပဲ

ဥမ္မာဒန္တီရဲ့ ကျောမှာတော့

Handsaplast များ တဖွေးဖွေး။

ရှိန်ဝါ

June 30, 2016